کورونا پھیلانے پر پانچ سال قید

غیر ملکی خبر رساں ادارے کے مطابق ویتنام کے شہری 28 سالہ لی وان ٹری نے گھر میں قرنطینہ کرنے کے قانون کی خلاف ورزی کی جس کے بعد انہیں لوگوں میں خطرناک بیماریاں پھیلانے پر سز سنائی گئی ۔

رپورٹ کے مطابق لی وان ٹری نے ملک میں کورونا وائرس کے گڑھ ہوچی من سٹی سے اپنے آبائی صوبے کاماؤ گیا جس کی وجہ سے کورونا وائس مزید پھیلنے کی وجہ بنا ۔

کاماؤ میں کورونا وائرس کے کیسز کی تعداد ہوچی من سٹی کے مقابلے میں کم ہے اور صوبے میں 21 دن تک گھر میں قرنطینہ کرنا لازمی قرار دیا گیا ہے ۔ تاہم مذکورہ شخص نے اس قانون کی خلاف ورزی کی لی وان ٹری میں کورونا وائرس کی تصدیق سات جولائی کو ہوئی تھی ۔

عدالتی رپورٹ کے مطابق لی وان ٹری نے گھر میں قرنطینہ قانون کی خلاف ورزی کی ہے ۔ اس کی وجہ سے کئی لوگ وائرس کا شکار ہوئے اور ان میں سے ایک شخص ہلاک بھی ہوگیا ۔ 

واضح رہے کہ ویتنام کے ان دو شہروں میں کورونا وائرس کی وجہ سے کئی ماہ سے لاک ڈاؤن کا قانون  نافذ ہے ۔