شبلی فراز کا ہیکرز کو ای وی ایم مشین ہیک کرنے کا چیلنج

تفصیلات کے مطابق صحافیوں سے غیر  رسمی گفتگو میں ان کا کہنا تھا کہ ای وی ایم سے متعلق تکنیکی  افراد کو چیلنج کرتے ہیں اگر وہ اسے ہیک کر سکیں تو دس لاکھ روپے دیں گے۔پارلیمانی کمیٹی نے ای وی ایم کے استعمال کے حوالے سے ترمیمی بل مسترد کر دیا، اگر بل پیش کرنے والے موجود نہ ہوں تو بل کو ڈیفر کر دیا جاتا ہے۔

شبلی فراز نے کہا کہ  ہم آئینی اور قانونی راستہ اپنائیں گے ،بل جو مشترکہ اجلاس میں پیش کریں گے، الیکشن کمشن نے 37 اعتراضات اٹھائے ، وزرات سائنس کو بھیجنے کے بجائے پارلیمانی امور کمیٹی  کو بھیج دیے ۔امتحانات سے پہلے ہی رزلٹ نکال کر الیکشن کمیشن نے اپنے کردار کو مشکوک کیا ہے۔

وفاقی وزیر سائنس و ٹیکنالوجی شبلی فراز کا کہنا تھا کہ  ای وی ایم سے متلعق تیکنیکی افراد کو چیلنج کرتے ہیں اگر وہ اسے ہیک کر سکے اسے دس لاکھ روپے دیں گے، انتخابات میں دھاندلی کا الزام ہر دور میں رہا ہے ، اپنے الیکشن کو شفاف اور منصفانہ بنانے کے لیے ٹیکنالوجی کا استعمال ضروری ہے۔

خیال رہے کہ  سینیٹ کی قائمہ کمیٹی برائے پارلیمانی امور نے الیکٹرونک ووٹنگ مشین، سمندر پار پاکستانیوں کیلئے آئی ووٹنگ، اوپن بیلٹ کے ذریعے سینیٹ انتخابات سمیت الیکشن ایکٹ میں بیشتر حکومتی ترامیم کو مسترد کر دیاتھا۔