ملک میں کورونا سے متاثرہ افراد کی تعداد 12 لاکھ سے تجاوز کر گئی

تفصیلات کے مطابق  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں    مزید 82 افراد انتقال کر گئے جبکہ 3480کیسز رپورٹ ہوئے ہیں۔ملک میں اموات کی مجموعی تعداد26ہزار662ہوگئی ہے،جبکہ  متاثرہ افراد کی مجموعی تعداد 12لاکھ ایک ہزار367ہوگئی ہے ۔  ملک میں گزشتہ 24 گھنٹوں میں  کوروناوائرس کےمثبت کیسزکی شرح5.50فیصدرہی۔

پنجاب

پنجاب میں کورونا مریضوں کی تعداد 4لاکھ11ہزار 808ہوگئی ۔ جبکہ صوبے میں اب تک 12ہزار 198aافراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ43 ہزار 521 ہو گئی جبکہ صوبے میں اب تک 7 ہزار 116 افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 67 ہزار782 ہوچکی ہے ۔ صوبے میں 5225 افراد چل بسے۔

بلوچستان

بلوچستان میں کورونا وائرس کے اب تک 32ہزار549 کیسز رپورٹ ہوئے ہیں جبکہ صوبے میں 342 مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعدادایک لاکھ 2 ہزار347 جبکہ اموات کی تعداد886تک جاپہنچی ۔

گلگت بلتستان

گلگت بلتستان میں اب تک 10 ہزار 150 افراد کورونا کا شکار ہوئے ہیں جبکہ179افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد33 ہزار210 ہوچکی ہے جبکہ 716 افراد جان کی بازی ہار گئے ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔