2023ء کےانتخابات کا انعقادالیکٹرانک ووٹنگ مشین کے ذریعہ ہوگا:شبلی فراز

تفصیلات کے مطابق وفاقی وزیر سائنس اینڈ ٹیکنالوجی کا کہنا ہے کہ عام انتخابات سےقبل چھوٹےالیکشن میں ای وی ایم کےاستعمال کاکام الیکشن کمیشن کاتھا،الیکشن کمیشن کےپاس ای وی ایم استعمال کرنےکااختیارتھا۔

ان کا کہنا تھا کہ الیکشن کمیشن کوووٹنگ میشن پربریفنگ دی گئی تھی،الیکشن کمیشن کی ٹیم نےووٹنگ مشین میں37خامیاں نکالیں، اگرووٹنگ مشین میں خامیاں ہیں تواسے دورکیاجاسکتاہے، ہماری ٹیم نےان خامیوں کودورکرنےکیلئےکام کیا۔

انہوں نے کہا ہے کہ قائمہ کمیٹی کےاجلاس میں اپوزیشن ہماری بات سننےکوتیارنہیں تھی،انہوں نےہماری بات نہ سنی توہم عوام کےپاس جائیں گے،پاکستان طاقتورطبقہ  نہیں چاہتا کہ ملک میں شفاف انتخابات ہوں،ووٹنگ مشین سےمتعلق تمام آپشنزاستعمال کریں گے۔

ان کا مزید کہنا ہے کہ ووٹنگ مشین کے تنازع میں الیکشن کمیشن نے اپنے آپ کوخودجھونکا ہے،ابھی تک جو بھی الیکشن کمیشن نے کہا سب غلط ہے۔