وزیراعظم  کواوورسیز پاکستانیز کمیشن پنجاب کی تین سالہ کارکردگی رپورٹ ارسال 

تفصیلات کے مطابق  تحریک انصاف کے چیف آرگنائزر سیف اللہ نیازی کو بھی تین سالہ کارکردگی رپورٹ بھجوادی گئی  ہے،  رپورٹ اوورسیز کمیشن پنجاب کے وائس چیئرمین وسیم چوہدری کی طرف سے بھجوائی گئی ہیں ۔ تین سال میں اووسیز کمیشن پنجاب کی جانب سے اووسیز پاکستانیوں کی 52 ارب کی جائیدادیں واگزار کرائیں گئیں ہیں۔

رپورٹ میں کہا گیا ہے کہ  تین سال میں اووسیزکمیشن پنجاب نے  10500سے زائد شکایات کا ازالہ کیا ، 29اضلاع  میں اوورسیز پاکستانیوں کی شکایت کے فوری ازالہ کے لئے ڈسٹرکٹ اوورسیز پاکستانیز کمیٹیوں کی تشکیل،  اوورسیز پاکستانیوں کی شکایات کا ازالہ کرنے کےلئے سپیشل کورٹس  قائم کرنے کے لئے قانون سازی پرکام جاری  ہے۔

رپورٹ کے مطابق نادرا کے ساتھ مل کر اوپی سی میں نادرا سنٹر کا قیام،  ایل ڈی اے اور بورڈ آف ریونیو میں فوکل پرسن اور ڈیسک کا قیام  اور  آئی جی پنجاب کی طرف سے فوکل پرسن برائے اوورسیز پاکستانیز DIGآپریشن پنجاب کو تعینات کیا گیا۔ اوورسیز پاکستانیوں کی قانونی اور ریونیو کے معاملات میں معاونت فراہم کرنے کےلئے کنسلٹنسی یونٹ قائم کرنے کا فیصلہ  کیا گیا۔

رپورٹ میں کہا گیا ہے کہ  اوورسیز پاکستانیوں کی سہولت کےلئے پنجاب انفارمیشن اینڈ ٹیکنالوجی بورڈ کی مدد سے موبائل ایپ بھی لانچ کے لئے تیار ہے، پنجاب کی تمام یونیورسٹیوں میں اوورسیز پاکستانی طالبات کو ترجیہی بنیاد پر داخلہ دیا جائے گا ،20 فیصد تک فیس معاف کی جائے گی ۔ ٹورزام ڈویلپمنٹ کارپوریشن پنجاب کے ماتحت ہوٹل،موٹل، ریزارٹس میں اووورسیز پاکستانیوں کو 20 فیصد رعائت ملے گی۔ 

او پی سی ایکٹ 2021 کے تحت تحصیل کی سطح پر بھی  اوورسیز پاکستانیز  کمیٹیاں تشکیل دینے کا فیصلہ کیا گیا،   بیرون ملک مقیم پاکستانیوں کے مسائل کے حل کے لئے  او پی سی پنجاب نے مختلف ممالک میں ایڈوائزری کونسل قائم کیں ،  پولیس  خدمت سنٹر میں اوورسیز کاﺅنٹر کا قیام ، اوپی سی کے دفتر میں پولیس اسٹیشن کے قیام کا بھی فیصلہ  کیا گیا۔

 اوورسیز پاکستانیوں کو ڈرائیونگ لائسنس   اورکریکٹر سر ٹیفکیٹ  کی فراہمی  کے لئے اقدامات کیے گئے  ہیں،  او پی سی کے سالانہ بجٹ سے چار کروڑ پچاس لاکھ روپے کی کثیر رقم  کی بچت کی ۔ پنجاب اسمبلی سے اووسیز ایکٹ 2020 منظور کروایا گیا،   نیب کے ساتھ ملکر  مختلف سوسائٹیوں سے اووسیز پاکستانیوں کے  پلاٹس کے  مسئلے حل کروائے گئے۔ گورنرپنجاب کی سربراہی میں سولہ  ممالک کے دورے کرکے اووسیزپاکستانیوں کے مسائل کے حل کےلئے اقدامات کیے گئے۔

وسیم چوہدری وائس چیئرمین کا کہنا ہے کہ   وزیراعظم کے ویژن کے مطابق اووسیز پاکستانیوں کے مسائل کے حل کے لئے اقدامات کیے جارہے ہیں ۔