افغانستان کی فضائی حدود سے گزرنے اور داخل ہونے والے جہازوں کیلئے نیاہدایت نامہ جاری

تفصیلات کے مطابق  افغانستان کی فضائی حدود سے گزرنے اور داخل ہونے والے جہازوں کے لئے نیاہدایت نامہ جاری کردیا گیا، ہدایت نامہ کے مطابق کابل ائیرپورٹ پر ائیر ٹریفک کنٹرولر کی عدم دستیابی کے باعث طیاروں کے درمیان فاصلہ رکھنا ہوگا۔سول ایوی ایشن اتھارٹی نے تین مختلف نوٹس ٹو ائیر مین جاری کردیا ، نوٹم عالمی ہوابازی کی تنظیم کی گائیڈلائن کے مطابق جاری کیاگیا ہے۔

جاری نوٹم کے مطابق کابل ائیر اسپیس میں دوجہازوں کے درمیان پندرہ منٹ کا فاصلہ رکھنا ہوگا،جہازوں کے درمیان فاصلہ بغیر کسی دشواری کے افغان فضائی حدود سے گزرنے کی سہولت فراہم کرنا ہے ،  جہازوں کے درمیان پندرہ منٹ کے فاصلے سے کابل آمد اور روانگی میں تاخیر بھی ہو سکتی ہے،  افغان ائیر اسپیس میں داخل ہونے والے طیارے کابل ایف آئی آر پر عمل درآمد لازم کر یں۔

نوٹم میں کہا گیا ہے کہ کابل کے پرائمری ریڈار اور سیکنڈری ریڈار مکمل طور پر فعال ہیں ، عالمی ہوا بازی کی تنظیم اکاو کے وضع کردہ اسٹینڈرڈ پروسیجر پر عمل کر نا لازمی ہوگا ، ہنگا می صورتحال میں طیارے کو بلندی سے نیجے لاتے وقت عالمی تنظیم اکاو کے قوانین 444 پر عمل کرنا ہوگا۔