حکومت کا دسویں اور بارہویں کلاس کے تمام طلبا کو پاس کرنے کا فیصلہ

تفصیلات کے مطابق وزیر تعلیم شفقت محمود  کی  زیر صدارت بین الصوبائی وزرائے تعلیم کانفرنس  ہوئی ۔

ذرائع کے مطابق  حکومت  نے  دسویں اور بارہویں کلاس کے تمام طلبا کو پاس کرنے کا فیصلہ کرلیا ہے،فیل ہونے والے طلبا کو رعایتی 33 نمبرز دے کر پاس کیا جائے گا۔

مزید پڑھیں : چین کا طالبان حکومت کیلئے بڑی امداد کا اعلان

 ذرائع  کا کہنا ہے کہ  کورونا صورتحال کے باعث دوبارہ فوری امتحانات ممکن نہیں،میٹرک اور انٹرمیڈیٹ کے امتحانات سال میں دو بار ہوں گے، امتحانات کو سپلیمنٹری امتحانات کا نام نہیں دیا جائے گا۔

 ذرائع  کے مطابق  آئندہ سال میٹرک امتحانات مئی جون میں ہوں گے جبکہ آئندہ سال نیا سیشن اگست سے شروع ہوگا۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد26ہزار787ہوگئی ہے،جبکہ  متاثرہ افراد کی مجموعی تعداد 12لاکھ07ہزار508ہوگئی ہے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں 3391 افرادکوروناوائرس کوشکست دےچکے ہیں۔ ملک بھر میں اب تک 10لاکھ90ہزار176مریض کورونا کو شکست دے چکے ہیں ۔