کھیل
پاکستان اور نیوزی لینڈ کرکٹ ٹیم نے پریکٹس سیشن کا آغاز کردیا
راولپنڈی: پاکستان اور نیوزی لینڈ کرکٹ ٹیم نےپریکٹس سیشن کا آغاز کردیا ہے۔
تفصیلات کے مطابق آج پاکستان اور نیوزی لینڈ کی کرکٹ ٹیموں نے پنڈی کرکٹ اسٹیڈیم میں پریکٹس سیشن کا آغاز کردیا ہے۔
خیال رہے کہ پاکستان اور نیوزی لینڈ کے درمیان ون ڈے اور ٹی ٹوئنٹی سیریز کھیلی جائے گی، ون ڈے میچز 17، 18 اور 19 ستمبر کو راولپنڈی اسٹیڈیم میں کھیلے جائیں گے جبکہ ٹی ٹوئنٹی میچز 25، 26 اور 29 ستمبر کو قذافی اسٹیڈیم لاہور میں کھیلے جائیں گے۔
ذرائع کا کہنا ہے کہ دونوں کرکٹ ٹیموں کو سخت سیکیورٹی کے تحت اسلام آباد کے نجی ہوٹل سے پنڈی کرکٹ اسٹیڈیم لایا گیا ہے۔
تجارت
سونے کی فی تولہ قیمت میں 7 ہزار روپے سے زائد کی کمی
سونے کی فی تولہ قیمت 2 لاکھ 40 ہزار 900 روپے ہوگئی
سونے کی فی تولہ قیمت میں 7 ہزار 800 روپے کی کمی آگئی۔
اسی طرح سونے کی فی تولہ قیمت 2 لاکھ 40 ہزار 900 روپے ہوگئی ، دو روز میں سونے کی فی تولہ قیمت میں 11 ہزار 300 روپے کمی ہوئی ہے۔
عالمی مارکیٹ میں سونے کی قیمتوں میں مسلسل اضافہ دیکھنے میں آرہا ہے لیکن گزشتہ روز سے سونے کی قیمتوں میں کچھ کمی آنے کے بعد پاکستان میں بھی سونے کی قیمتوں میں کمی آئی ہے۔
واضح رہے کہ گزشتہ سال مئی کے مہینےمیں سونے کی قیمت فی تولہ 2 لاکھ 40 ہزار روپے اور 10 گرام 2 لاکھ 5 ہزار 761 روپے تک پہنچ گئی تھی۔
پاکستان
ملک میں جمہوریت نام کی کوئی چیز نہیں ہے، عمران خان
جمہوریت قانون کی بالادستی اور شفاف الیکشن پر کھڑی ہوتی ہے، بانی چیئرمین پی ٹی آئی
بانی چیئرمین پی ٹی آئی اور سابق وزیر اعظم عمران خان نے کہا ہے کہ ملک میں جمہوریت نام کی کوئی چیز نہیں ہے۔
اڈیالہ جیل میں میڈیا سے گفتگو کرتے ہوئے عمران خان نے کہا کہ جمہوریت قانون کی بالادستی اور شفاف الیکشن پر کھڑی ہوتی ہے، پنجاب کے ضمنی الیکشن میں پولیس نے مداخلت کی،خیبرپختونخوا میں بھی الیکشن ہوئے پولیس نے کہیں کوئی ایف ائی آر نہیں کاٹی اور نہ ہی دھاندلی ہوئی ہے۔
عمران خان نے کہا کہ ملک میں ادارے آئینی طور پر نہیں چل رہے صرف طاقتور کی حکمرانی ہے، بیرون ملک مقیم پاکستانی سرمایہ کاری کریں تو آئی ایم ایف کی ضرورت نہیں پڑے گی، بیرون ملک مقیم پاکستانی یہاں پیسہ اس لیے نہیں لگاتا کہ اس کو کوئی تحفظ نہیں، مستحکم حکومت کے لیے جمہوریت ضروری ہے جو صرف شفاف انتخابات کے ذریعے ممکن ہے۔
سابق وزیر اعظم نے کہا کہ ملک میں کوئی جمہوریت نہیں یہ آٹھ فروری سے ڈرے ہوئے تھے، اکتوبر سے فروری تک انتخابات صرف پی ٹی آئی کو کرش کرنے کے لیے ملتوی کیے گئے، سپریم کورٹ میں بھی ہماری پٹیشن اس لیے نہیں سنی گئی کہ وہ بھی پی ٹی آئی کے کرش ہونے کا انتظار کررہی تھی۔
ان کا کہنا تھا کہ پی ٹی آئی کا نام و نشان ختم کرنے کے لیے ہر حربہ استعمال کیا گیا، ملک میں اخلاقیات کو ختم کر کے اکثریت کو اقلیت میں تبدیل کر دیا گیا، پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔
بانی پی ٹی آئی نے کہا کہ ملک کا موجودہ سیٹ اَپ پاکستان کے فیوچر کو نقصان پہنچا رہا ہے، مجھ سے ڈیل کی نہ کسی نے کوئی بات کی نہ کوئی پیغام آیا، سوال یہ ہے کہ وہ مجھ سے کس بات پر ڈیل کریں گے؟ آٹھ فروری کو جب عوام ایک طرف کھڑی ہو گئی تو وہ وقت تھا بات کرنے کا ملک کی عوام ایک طرف کھڑی ہو جائے تو کیا اس سے کوئی جیت سکتا ہے؟
عمران خان نے کہا کہ عدلیہ سے لوگوں کا اعتماد اٹھتا جارہا ہے اپنے عوامی نمائندے کا انتخاب بنیادی حق ہے جو کہ عوام سے چھین لیا گیا ہے، میری بیوی کا سیاست سے کوئی تعلق نہیں لیکن اسے سزا دلوا کر ایک کمرے میں بند کر دیا گیا ہے، میری تینوں بہنوں کے خلاف مقدمات درج کیے گئے، مریم نواز اور بے نظیر سیات دان ہیں مگر میری اہلیہ کا سیاست سے کوئی تعلق نہیں۔
انہوں نے مزید کہا کہ ہمارے سعودی عرب کے ساتھ تعلقات اچھے تھے اسی لیے ہمارے دور میں او آئی سی فارن منسٹر کانفرنس ہوئی۔
پاکستان
عمران خان کے خلاف کیسز زندہ لاش کی مانند ہیں، علیمہ خان
کسی قسم کی ڈیل نہیں کریں گے بلکہ تمام مقدمات کا سامنا کریں گے، ہمشیرہ عمران خان
پاکستان تحریک انصاف (پی ٹی آئی) کے بانی چیئرمین عمران خان کی بہن علیمہ خان نے عمران خان کے خلاف مقدمات کو زندہ لاش قرار دیتے ہوئے کہا ہے کہ ان کے بھائی کسی قسم کی ڈیل نہیں کریں گے بلکہ تمام مقدمات کا سامنا کریں گے۔
راولپنڈی میں میڈیا سے گفتگو کرتے ہوئے علیمہ خان نے کہا کہ یہ سب کو پتہ تھا کہ ان کیسسز میں کچھ نہیں، کتنی دیر تک ججز ان کو سنبھالیں گے،یہ کیسسز مردہ لاش ہیں،ججز پر بھی ان کیسسز کے ختم کرنے کے لئے بہت دباؤ ہے۔
عمران خان نے کہا وہ اپنے مقدمات کا سامنا کریں گے،یہ سب کو پتہ تھا ان کیسسز میں کچھ نہیں- کتنی دیر تک ججز انکو سنبھالیں گے،یہ کیسسز مردہ لاش ہیں،ججز پر بھی ان کیسسز کے ختم کرنے کے لئے بہت دباو ہے،یہ مقدمات ایک ایک کر کے دفن ہو جائیں گے،ہم مضبوطی سے عمران خان کے ساتھ کھڑے ہیں،علیمہ… pic.twitter.com/SO3LkNBpCR
— PTI (@PTIofficial) April 23, 2024
انہوں نے مزید کہا کہ یہ مقدمات ایک ایک کر کے دفن ہو جائیں گے،ہم مضبوطی سے عمران خان کے ساتھ کھڑے ہیں بانی چیئرمین پی ٹی آئی ڈیل کے لیے تیار نہیں ہیں، عمران خان کا کہنا ہے کہ جہاں تک میرے مقدمات ہیں تو میں سامنا کروں گا، وہ قائم ہے اور کسی مقصد کےلئے کھڑے ہیں۔
علیمہ خان نے مزید کہا کہ ظلم کے خلاف نہیں بولیں گے تو یہ بڑھتا رہے گا، بانی پی ٹی آئی کو ظلم کے خلاف بولنے پر جیل میں ڈالا گیا۔
ان کا کہنا تھا کہ قانون سے تحفظ نہیں ملے گا تو بڑی مشکلات ہوں گی۔وہ آئین اور قانون کی بالادستی کےلئے کھڑے ہیں۔
-
جرم 2 دن پہلے
کراچی : دہشت گرادانہ حملہ کی تحقیقات میں نئی پیش رفت
-
پاکستان 8 گھنٹے پہلے
بانی پی ٹی آئی کی اہلیہ بشری بی بی کی طبیعت ناساز، بنی گالہ میں طبی معائنہ
-
پاکستان 2 دن پہلے
بشری بی بی کو زہر دینے کے تمام دعوے جھوٹے نکلے ، عظمی بخاری
-
پاکستان 2 دن پہلے
لاہور کے گردو نواح میں موسم خشک رہے گا ، محکمہ موسمیات
-
جرم 2 دن پہلے
قلعہ عبداللہ پولنگ اسٹیشن میں نامعلوم افراد کی فائرنگ
-
دنیا 2 دن پہلے
بھارتیہ جنتاپارٹی پر انتخابات میں ووٹ حاصل کرنے کے لئے مذہب کارڈ کا الزام
-
پاکستان 2 گھنٹے پہلے
ملک میں جمہوریت نام کی کوئی چیز نہیں ہے، عمران خان
-
کھیل 2 دن پہلے
پاکستان کی نیوزی لینڈ کو سات وکٹوں سے شکست