پٹرولیم مصنوعات کی قیمتوں ساڑھے دس روپے فی لٹر تک اضافے کا امکان

تفصیلات کے مطابق  پٹرولیم مصنوعات کی قیمتوں ساڑھے دس روپے فی لٹر تک اضافے کا امکان ہے۔ذرائع کے مطابق  پٹرولیم مصنوعات کی قیمتوں میں اضافے کی سمری وزارت خزانہ کو موصول ہوگئی ہے۔

ذرائع کا کہنا ہے کہ  ہائی سپیڈ ڈیزل کی قیمت میں ساڑھے دس روپے اور پٹرول کی قیمت میں ایک روپیہ فی لٹر اضافے کی تجویز ہے ،  مٹی کے تیل کی قیمت میں ساڑھے پانچ روپے فی لٹراور  لائٹ ڈیزل آئل کی قیمت میں بھی ساڑھے پانچ روپے فی لٹر اضافے کی تجویز دی گئی ہے۔

ذرائع کے مطابق پٹرولیم مصنوعات کی قیمتوں میں اضافے کی سمری موجودہ لیوی اور جی ایس ٹی کے مطابق تیار کی گئی، پٹرولیم لیوی اور جنرل سیلز ٹیکس میں ردو بدل سے قیمتوں میں ردو بدل ہو سکتا ہے۔ قیمتوں کے حوالے سے حتمی فیصلہ وزارت خزانہ وزیراعظم کی مشاورت سے کل کرے گی۔نئی قیمتوں پر عملدرآمد سولہ ستمبر سے ہوگا۔

واضح رہے کہ 31اگست 2021 کو حکومت نے  پیٹرول کی قیمت میں ایک روپے 50 پیسے کمی کی تھی، لائٹ اسپیڈ ڈیزل کی قیمت میں  ایک  روپے کی کمی کی گئی  تھی۔ جبکہ مٹی کے تیل کی قیمت میں بھی  1روپیہ  50 پیسےکی کمی کی گئی  تھی۔نوٹیفکیشن کے مطابق  پیٹرول کی قیمت 118 روپے 30 پیسے فی لیٹر مقرر کی گئی  تھی  ،مٹی کے تیل کی قیمت 86 روپے 80 پیسے فی لیٹر مقرر کی گئی  تھی ۔