شائقین کرکٹ کا اور ہمارا درد ایک جیسا ہے:رمیزراجہ

تفصیلات کے مطابق پاکستان کرکٹ بورڈ کی جانب سے سماجی رابطے کی ویب سائٹ ٹویٹر پر رمیز راجہ کا ویڈیو پیغام شیئر کیا گیا جس میں ان کا کہنا ہے کہ شائقین کا اور ہمارا درد ایک جیسا ہے، جو کچھ ہوا وہ پاکستان کرکٹ کے لیے ٹھیک نہیں۔

چیئرمین پی سی بی نے کہا کہ ہم ہمیشہ سے آگے بڑھے ہیں، انشا اللہ پھر سے دنیا کو چیلنج کریں گے، اس صورت حال سے باہر نکل آئیں گے۔

رمیز راجہ نے کہا کہ ہم ڈومیسٹک لیول پر ورلڈ کلاس ٹیم بناکر پرفارم کرسکتے ہیں، مداحوں سے کہتا ہوں کہ ٹیم کا ساتھ دیں اور ورلڈ کپ میں ٹیم کو بھرپور سپورٹ کریں۔

انہوں نے کہا کہ قومی ٹیم کا جو بھی غصہ ہے وہ کارکردگی دکھا کر نکالیں، یہی دنیا کو دکھانے کے لیے اچھا علاج ہے، جب آپ دنیا کی بہترین ٹیم بن جائیں گے تو پاکستان میں سیریز کی لائنیں لگ جائیں گی اور سب آپ کے ساتھ کھیلنا چاہیں گے۔