گوجرانوالہ : مہنگی گاڑی میں آنیوالا انوکھا چور گرفتار

جی این این کے مطابق  ملزم قیمتی کار میں بیٹھ کر مساجد سے ٹونٹیاں چوری کرتا تھا ۔ ملزم نئے ماڈل کی کار میں مسجد آتا اور وضو کے بہانے مساجد سے ٹونٹیاں چوری کر کے کار میں رفو چکر ہو جاتا۔ تھانہ صدر پولیس نے کارروائی کرتے ہوئے  ملزم نوید کو گرفتار کرلیا ،   ملزم نے اعتراف جرمُ  کرتے ہوئےکہا کہ تین ماہ سے ٹونٹیاں چوری کرنے کی وارداتیں کر رہا ہوں۔ پولیس کے مطابق  ملزم چوری شدہ  ٹونٹیاں پالش کر کے مختلف اضلاع میں فروخت کرتا تھا۔ پولیس کا کہنا ہے کہ ملزم سے چوری شدہ کار اور ٹونٹیاں برآمد کر کے مقدمہ درج کر لیا گیا ہے ۔ 

شہر کی مختلف مساجد سے ٹونٹیاں چوری کرنے والے ملزم کی گرفتاری پر شہریوں نے خوشی کا اظہار کرتے ہوئے ملزم کے خلاف سخت قانونی کارروائی کامطالبہ کیاہے۔ 

رپورٹ : نمائندہ  جی این این  عمر فاروق