وزیر اعلی پنجاب کا ٹوکیوپیرا اولمپکس ہیرو حیدر علی کو 25 لاکھ روپے چیک  کا انعام 

تفصیلات کے مطابق؎ وزیراعلیٰ پنجاب سردار عثمان بزدار سے ٹوکیو پیرااولمپکس کے ہیرو حیدر علی کی ملاقات ہوئی، صوبائی وزیر کھیل تیمور علی بھٹی،پرنسپل سیکرٹری وزیراعلیٰ،سیکرٹری سپورٹس، ڈی جی سپورٹس،وائس چانسلر سپورٹس بورڈ پنجاب راؤزاہد قیوم خان او ردیگر بھی اس موقع پر موجود تھے۔

وزیراعلیٰ عثمان بزدار نے ٹوکیوپیرا اولمپکس میں ڈسکس تھرو میں گولڈ میڈل جیتنے والے حیدر علی کو25لاکھ روپے کاچیک دیا۔

وزیر اعلی پنجاب عثمان بزدار نے   کہا کہ حیدر علی نے ٹوکیو پیرااولمپکس میں گولڈ میڈل او رپاکستان میں عوام کے دل جیت لئے، حیدر علی جیسے نوجوان قوم کے حقیقی ہیرو ہیں،حیدر علی نے ٹوکیوپیرااولمپکس گولڈ میڈل جیت کر ثابت کردیا کہ ہمت کرے انسان تو کیانہیں ہوسکتا۔

عثمان بزدار کا کہنا تھا کہ  حیدرعلی جیسے کھلاڑی نوجوانوں کے لئے رول ماڈل کی حیثیت رکھتے ہیں ، حکومت پنجاب صوبہ بھر میں باصلاحیت کھلاڑیوں کی بھرپور حوصلہ افزائی کا سلسلہ جاری رکھے گی، سپورٹس کیلنڈر تشکیل دے کر مقامی کھلاڑیوں کو بھی مہیا کئے جائیں، مقامی اور تحصیل سطح پر بھی سپورٹس کے ٹورنامنٹ کرائے جائیں، دور دراز شہروں کے سٹیڈیم سے ملحقہ فوڈ سٹریٹ بنائی جائیں ، پنجاب بھر میں گراؤنڈز اور سٹیڈیمز قائم کئے جارہے ہیں،  صوبے کی تحصیلوں میں سپورٹس سنٹر بنا کر کھلاڑیوں کو صلاحیتوں کے اظہار کاموقع دیں گے۔

ٹوکیوپیرااولمپکس گولڈ میڈلسٹ حیدر علی کا اس موقع پر کہنا تھا کہ  وزیراعلیٰ عثمان بزدار نے یہاں بلا کرجو عزت افزائی کی کبھی نہیں بھول سکتا، وزیراعلیٰ عثمان بزدار کی طرف سے پذیرائی ملنے پر حوصلہ مزید بلند ہوگا۔