وزیر اعظم عمران خان کی زیر صدارت برآمدات بڑھانے سے متعلق جائزہ اجلاس

تفصیلات کے مطابق سال 2018سے 21 کے دوران  ویلیو ایڈڈ برآمدات میں 3.8 ارب ڈالر کا اضافہ ہوا جبکہ غیر روایتی مصنوعات کی برآمدات میں 2.7 ارب ڈالر کا اضافہ ہوا، مشیر تجارت اور وزیر خزانہ کا کہنا تھا کہ یہ اضافہ موجودہ حکومت کی سرمایہ کار دوست پالیسی  کے باعث ممکن ہوا ہے۔

وزیر اعظم کا کہنا تھا کہ برآمدات میں اضافے کیلئے پاکستانی مصنوعات کی مارکیٹ والے ممالک پر توجہ دیں ،حکومت برآمد کنندگان کو ہر ممکن سہولیات فراہم کر رہی ہے۔

وزیر اعظم کا مزید کہنا تھا کہ پاکستانی سفارتخانوں میں تعینات افسران  کیلئے  اہداف متعین کیے جائیں، برآمدات کا حجم بڑھانے  کیلئےغیر روایتی مصنوعات پر توجہ دی جائے۔