پیٹرول بحران : برطانوی فوجی اہلکاروں کی  پمپوں تک پیٹرول کی ترسیل شروع 

غیر ملکی خبر رساں ادارے کے مطابق  برطانیہ میں پیٹرول بحران جاری ،تمام بڑے شہروں میں پیٹرول پمپ خشک  ہوگئے،  پیٹرول بحران پر قابو پانے کیلئے فوج تعینات کردی گئی،فوجی اہلکاروں نے پمپوں تک پیٹرول کی ترسیل شروع کردی ہے۔پیٹرول بحران پر قابو پانے کیلئےبرطانوی فوج کے 200اہلکارمیدان میں اتررہے ہیں۔

وزیر اعظم بورس جانسن کے وزیر خزانہ رشی سنک نے ایل بی سی ریڈیو کو بتایا ، "ایک اضافی احتیاط کے طور پر ، ہم نے اضافی ڈرائیور لگائے ہیں۔"

"حالات اب بہتر ہورہے ہیں کیونکہ میں سمجھتا ہوں کہ ایک ہفتہ سے ہر روز  یہ بہتر ہورہا ہے اور جیسے جیسے ڈیمانڈ  معمول کی سطح پر آجاتی ہے  تو توقع ہے کہ چیزیں خود حل ہوجائیں گی۔"

فوجیں پچھلے ہفتے سے اسٹینڈ بائی پر ہیں اور ان میں سے بیشتر لندن اور ساؤتھ ایسٹ میں کام کریں گی جہاں بدترین قلت ہے ۔مسلح افواج نے آج صبح پیٹرول اسٹیشنوں پر ایندھن پہنچانے میں مدد شروع کر دی ہے۔