شاہ رخ خان کے بیٹے کی درخواست ضمانت مسترد

بھارتی میڈیا رپورٹس کے مطابق ممبئی کی عدالت نے آریان خان کا 7 اکتوبر تک ریمانڈ منظور کر لیا ہے۔

یاد رہے کہ بالی ووڈ کنگ شاہ رخ کے بیٹے کو نارکوٹکس کنٹرول بیورو نے گزشتہ روزگرفتار کیا تھا،  این سی بی آریان خان سے ریو پارٹی کے سلسلے میں پوچھ گچھ کر رہی ہے جو ہفتے کی رات ممبئی کے ساحل سے ایک کروز جہاز پر چھاپے کے بعد پکڑی گئی تھی۔

بھارتی میڈیا رپورٹس کے مطابق این سی بی نے گزشتہ روز ممبئی کے ساحل پر ایک کروز شپ پر ہونے والی پارٹی پر چھاپہ مارا اور 8 افراد کو گرفتار کیا۔

آریان خان کے علاوہ ان کے قریبی دوست ارباز مرچنٹ ، منمون دھمیچا ، نوپور سریکا ، اسمیت سنگھ ، موہک جسوال ، وکرانت چھوکر اور گومیت چوپڑا سے بھی پوچھ گچھ کی جا رہی ہے۔

این سی بی نے ان چھ منتظمین کو بھی طلب کیا ہے جنہوں نے کروز پارٹی کا منصوبہ بنایا تھا۔ ایف ٹی وی انڈیا کے منیجنگ ڈائریکٹر کاشف خان بھی زیر تفتیش ہیں اور این سی بی نے ان سے رابطہ کیا ہے۔ تقریب کا اہتمام کاشف خان نے کیا تھا۔