وزیراعظم نے پنڈروا پیپرز کی تحقیقات کا حکم دے دیا 

ذرائع کے مطابق وزیراعظم کی زیر صدارت ترجمانوں کا اہم اجلاس  ہوا ہے،جس میں وزیراعظم عمران خان نے پنڈروا پیپرز کی تحقیقات کا حکم دے دیا  ہے،  وزیراعظم معائنہ کمیشن پنڈورا پیپرز میں  سامنے آنیوالے لوگوں کے حوالے سے تحقیقات کرے گا ۔

ذرائع کا کہنا ہے کہ  جنہوں نے آف شور کمپنی ڈکلیئر کی اور ٹیکس دیا انہیں کلیئر قرار دیا جائے گا،  ٹیکس چوروں کے کیسز ایف بی آر اور دیگر متعلقہ اداروں کو بھجوائے جائیں گے ، منی لانڈرنگ سے متعلق کیسز ایف آئی اے کے سپرد کئے جائیں گے ،  پبلک آفس ہولڈرز اور منتخب نمائندوں سے متعلق کیسز نیب دیکھے گی ۔

ذرائع کے مطابق  وزیر اعظم عمران خان نے کہا ہے کہ  پنڈورا لیکس میں جس کا نام شامل ہے وہ خود اپنے آپ کو کلیئر کرائے ۔

وزیراعظم عمران خان نے  مہنگائی کی وجوہات پر معاشی ٹیم کو عوام کو اعتماد میں لینے کی حکم  دیا ہے۔وزیر اعظم عمران خان نے کہا کہ عوام مشکلات سے دوچار ہیں ، مہنگائی کے اعداد و شمار پبلک کئے جائیں ۔

وفاقی وزیر اطلاعات فواد چوہدری نے سماجی رابطے  کی ویب سائٹ ٹوئٹر پر ایک ٹویٹ میں کہا ہے کہ " پنڈورا لیکس کی تحقیقات کیلئے وزیر اعظم پاکستان نے وزیر اعظم انسپکشن کمیشن کے تحت ایک اعلیٰ سطحی سیل قائم کیا ہے یہ سیل پنڈورا لیکس میں شامل تمام افراد سے جواب طلبی کرے گا اور حقائق قوم کے سامنے رکھیں جائینگے۔"

پنڈورا لیکس کی تحقیقات کیلئے وزیر اعظم پاکستان نے وزیر اعظم انسپکشن کمیشن کے تحت ایک اعلیٰ سطحی سیل قائم کیا ہے یہ سیل پنڈورا لیکس میں شامل تمام افراد سے جواب طلبی کرے گا اور حقائق قوم کے سامنے رکھیں جائینگے #PandoraLeaks

— Ch Fawad Hussain (@fawadchaudhry) October 4, 2021