پاکستان کو نمبر ون ٹیم بنانا ہے،کرکٹ اکانومی کومضبوط کرناہے: رمیزراجہ

تفصیلات کے مطابق رمیز راجہ کا کہنا تھا کہ ہمارے پاس پیسہ ہو گا تو کوئی ٹیم پاکستان سے واپس نہیں جائے گی، ہمیں کرکٹ کی معیشت کو مضبوط کرنا ہے۔

انہوں نے کہا ہے کہ مجھے یہ سوچ کر خوف آتاہے کہ ہماری کرکٹ آئی سی سی کے فنڈزپرچل رہی ہے اور یہ بہت افسوس کی بات ہے۔ 

رمیز راجہ نے کراچی کہ دورے کہ دوران پاکستان اسٹاک ایکسچینچ کا دورہ کیا اورروایتی گھنٹہ بجا کر کاروباری سر گرمیوں کا آغازکیا۔

ان کا کہنا تھا کہ اس کہ لیے کرکٹ کا اسٹرکچر بہتر بنانا ہو گا،اگر ہماری ٹیم نمبر ون ہوتی تو انگلینڈ اور نیوزی لینڈ کی ٹیمیں دورہ منسوخ نہ کرتیں۔

خیال رہے کہ رمیز راجہ ان دنوں کراچی کے دورے پر ہیں وہاں انہوں نے کراچی کے تاجروں سے بھی ملاقات کی اور انہیں بتایا کہ ہم کس طرح کر کٹ میں سرمایہ کاری کر کے کرکٹ اکانومی کو بہتر بنا سکتے ہیں۔

واضح رہے کہ گزشتہ ماہ نیوزی لینڈ کی کرکٹ ٹیم نے پاکستان آنے کے بعد پہلے ایک روزہ میچ کے آغاز سے چند گھنٹے قبل سیکیورٹی کو بنیاد بنا کر دورہ پاکستان منسوخ کردیا تھا اور نیوزی لینڈ کے انکار کے چند دن بعد انگلینڈ نے بھی اپنی مرد و خواتین کی ٹیموں کو پاکستان بھیجنے سے انکار کردیا تھا،اس سے پاکستان کرکٹ بورڈ کو بھاری نقصان کا سامنا کرنا پڑا۔