کراچی:سعید آباد نیول کالونی سے اغوا ہونے والے ایک ہی خاندان کے 5بچے بازیاب

تفصیلات کے مطابق  پولیس کا کہنا ہے کہ بچوں کو اتحادٹاون سے بازیاب کراکر اغواکار فہیم کو گرفتار کرلیا،  ملزم نے بچوں کو مدرسہ سے واپسی پر اغوا کیا، اغواکار نے بچوں کی منتقلی کے لئے 2رکشوں کا استعمال کیا، خفیہ اطلاع پر پہاڑی ایریا سے پانچوں بچوں کو بازیاب کرایا۔

پولیس کے مطابق  ملزم کا کہنا ہے اس نے اپنی بیوی کو 3ماہ قبل طلاق دی ہے،  ملزم کے مطابق بچوں کو غلط نیت سے اغوا کیا ہے،  بازیاب بچوں میں  10سالہ عارفہ ,نورین 10 سالہ، بلال 3 سالہ، محمد حسن 6 سالہ، اور  احسن عمری ساڑھے 3سالہ شامل ہیں، اغواکار کی گرفتاری رکشہ ڈرائیور کی مدد سے کی۔

پولیس کی مدد کرنے والے رکشہ ڈرائیور سعید اللہ نے  گفتگو کرتے ہوئے کہا کہ  ملزم فہیم نے بچوں کو رکشہ میں بٹھایا اور چلنے کا کہا، ملزم فہیم مجھے آگے چلتے رہنے کا کہتا رہام، میرے پوچھنے پر اغواکار نے کہا کہ میرے اپنے بچے ہیں، میں نے بچوں سے والد کا نمبر لیا اور فون کیا۔

پولیس کا کہنا ہے کہ  بچوں کے والد سے بات کرنے پر پتہ چلا کہ ملزم بچوں کو اغوا کرکے لے جارہا تھا۔