عید میلاد النبی : سندھ حکومت نے  موٹر سائیکل کی ڈبل سواری پر پابندی عائد کردی

تفصیلات کے مطابق  نوٹیفکیشن میں کہا گیا ہے کہ  19اکتوبر کو صوبے بھر میں ڈبل سواری پر پابندی ہوگی،  ڈبل سواری پر پابندی سکیورٹی خدشات کی بنا پر لگائی گئی ۔

 نوٹیفکیشن کے مطابق   خواتین، کم عمر بچے، قانون نافذ کرنے والے ادارے اورصحافی پابندی سے  مستثنیٰ ہونگے۔

چند روز قبل  چیئرمین رویت ہلال کمیٹی  نے اعلان کیا تھا  کہ ربیع الاول کا چاند نظر آگیا، 12 ربیع الاول 19  اکتوبر بروز منگل کو ہوگی۔

یا درہےکہ  ماہ ربیع الاول امت مسلمہ کے لیے خاص اہمیت کا حامل مہینہ ہے کیونکہ اس مہینے نبی آخرالزماں ﷺ کی دنیا میں تشریف آوری ہوئی، ہر سال 12 ربیع الاول کو سرور کائنات حضرت محمدﷺ کے یوم ولادت پر  دنیا بھر کے مسلمان جشن عید میلاد النبی ﷺ مناتے ہیں، اس موقع پر شہر بھر میں جلوسوں کا اہتمام کیا جاتا ہے۔