رکن سندھ اسمبلی شرمیلا فاروقی کے والد  انتقال کر گئے

تفصیلات کے مطابق پیپلز پارٹی رہنما و صوبائی رکن اسمبلی  شرمیلا فاروقی کے والد محمد عثمان فاروقی کافی عرصے سے نجی اسپتال میں زیرعلاج تھے۔ شرمیلا فاروقی نے سماجی رابطے کی ویب سائٹ ٹوئٹر پر پیغام میں  والد کے انتقال کی اطلاع دیتے ہوئے ایک تصویر شئیر کی ہے جس میں انہوں نے  والد کا ہاتھ تھام رکھا ہے ۔ ٹویٹ کے عنوان میں انہوں  نے لکھا کہ پاپا میرا اور آپ کا دل ہمیشہ ایک ساتھ دھڑکتا رہے گا۔

Together forever Papa.. your heart will beat with mine… إِنَّا لِلّهِ وَإِنَّـا إِلَيْهِ رَاجِعونَ pic.twitter.com/jbE1P6fbTm

— Sharmila Sahibah faruqui S.I (@sharmilafaruqi) October 12, 2021

شرمیلا فاروقی کے ٹوئٹ پر نامور شخصیات کی جانب سے تعزیتی پیغامات کا سلسلہ جاری ہے۔

واضح رہے کہ شرمیلا فاروقی کے والد محمد عثمان فاروقی سابق چیئرمین پاکستان اسٹیل بھی رہ چکے ہیں۔ عثمان فاروقی ریٹائرڈ بیوروکریٹ  سلمان فاروقی کے بھائی  بھی ہیں۔ مرحوم عثمان فاروقی کی نمازِ جنازہ آج بعد نمازِ عصر رحمانیہ مسجد طارق روڈ کراچی میں ادا کی جائے گی۔