ٹوبہ ٹیک سنگھ : بس کی رکشے  کو ٹکر، رکشہ ڈرائیور سمیت 4طلبہ جاں بحق 

جی این این کے مطابق  گوجرہ روڈ پر بس کی رکشہ کو ٹکر کے نتیجے  میں 5 افراد  موقع پر دم توڑ گئے، جاں بحق ہونے والوں میں 4 طالبعلم اور ایک رکشہ ڈرائیور شامل ہیں ۔ حادثے میں  12 طالبعلم شدید زخمی ہوئے ہیں ،  رکشہ میں سوار جاں بحق طلبہ  کی عمریں 10 سے 18 سال کے درمیان  ہیں ۔ 

حادثے کی اطلاع ملتے ہی ریسکیو ٹیمیں موقع پر پہنچ گئیں۔ لاشوں  اور شدید زخمی طلباء  کو تحصیل ہیڈکوارٹر اسپتال منتقل  کردیا گیا ۔  تیز رفتار مسافر بس فیصل آباد سے چشتیاں جا رہی تھی جبکہ  رکشہ گاؤں  نور پور سے گوجرہ تعلیمی اداروں کی طرف جارہا تھا ۔  ریسکیو کے مطابق بس  ڈرائیور فرار ہونے میں کامیاب ہوگیا ۔