سابق فاسٹ باؤلر سرفراز نواز ہڈیوں کے مرض میں مبتلا

لندن : برطانیہ میں مقیم پاکستان کے معروف سابق فاسٹ باؤلر سرفراز نواز کو چلنے پھرنے میں مشکلات کا سامنا ہے۔ 

ٹویٹر پر شیئر کی جانے والی ویڈیو میں سرفراز نواز کو واکر کے ذریعے سڑک کے ساتھ ساتھ چلتے دیکھا جا سکتا ہے ۔ ماضی کے فاسٹ باؤلر سرفراز نواز ہڈیوں کے مرض میں مبتلا ہیں جس کے باعث انہیں کئی ماہ سے چلنے پھرنے میں شدید مشکلات کا سامنا کرنا پڑ رہا ہے ۔ 

انہی مشکلات کے سبب سرفراز نواز چلنے کے لیے واکر کا استعمال کررہے ہیں ۔ سرفراز نواز اہل خانہ کے ہمراہ کئی برس سے لندن کے علاقے ٹوٹنگ میں مقیم ہیں ۔