حکومت کا قومی اسمبلی اور سینیٹ کے اجلاس فوری طلب کرنے کا فیصلہ

تفصیلات کے مطابق سینیٹ اورقومی اسمبلی اجلاس بلانے سے متعلق  مشیر پارلیمانی امور ڈاکٹر بابر اعوان کی اسپیکر قومی اسمبلی اسد قیصر سے اہم ملاقات ہوئی ہے۔  اس حوالے سے بابر اعوان کی وزیراعظم عمران خان سے بھی ملاقات ہوئی ، جس میں قومی اسمبلی اور سینیٹ اجلاس بلائے جانے سے متعلق مشاورت کی گئی۔

بابر اعوان کاکہنا ہے  کہ قومی اسمبلی اور سینیٹ کے اجلاس فوری طلب کر لئے گئے ہیں، سینیٹ کا اجلاس پرسوں جمعرات شام 4 بجے اور قومی اسمبلی کا اجلاس بھی جمعرات کی شام 5 بجے طلب کرلیا ہے۔

مشیر پارلیمانی امور کا کہنا تھا کہ ملکی امور سے متعلق اہم قانون سازی کو مکمل کیا جائے گا ، اجلاس طلب کرنے سے متعلق سمری وزارت پارلیمانی امور نے صدر مملکت کو ارسال کر دی ہے ۔