ٹی ٹوئنٹی ورلڈ کپ : بھارتی میڈیا نے بابر  اور رضوان کی جوڑی کو خطرناک قرار دے دیا

تفصیلا ت کے مطابق  ٹی ٹوئنٹی ورلڈ کپ میں  بھارتی میڈیا نے پاکستان ٹیم کے کپتان  بابر  اور رضوان کی جوڑی کو خطرناک قرار دے دیا  ہے، ٹی ٹوئنٹی ورلڈ کپ میں پاک بھارت میچ 24 اکتوبر کو ہوگا ۔

بھارتی میڈیا کا کہنا ہے کہ  بھارتی ٹیم کو بڑا خطرہ کپتان بابر اور رضوان سے ہے ، ہندوستانی بولرز کے لیے حقیقی خطرہ بن سکتے ہیں۔

دونوں  نے ٹی ٹوئنٹی میں 57 کی اوسط سے ایک ساتھ 736 رنز بنائے ہیں،  دونوں نے اوپننگ جوڑی کے طور پر 521 رنز جوڑے ہیں،  بابر اور رضوان نے پارٹنر شپ میں سب سے زیادہ رنزاسکوار کئے ہیں ۔

بھارتی میڈیا   کے مطابق پاور پلے اوورز میں شاندار ہیں،  انفرادی طور پر رضوان نے اس سال سب سے زیادہ رنز بنائے ہیں، رواں سال  ٹی ٹوئنٹی فارمیٹ میں سب سے زیادہ رنز بنانے میں بابر کا دوسرا نمبر  ہے، رضوان نے 17 میچوں میں 140 کے اسٹرائیک ریٹ پر 94 کی اوسط سے 752 رنز بنائے ہیں جبکہ   بابر نے 17 میچوں میں 37 کی اوسط سے 523 رنز بنائے ہیں۔