کورونا وائر س : ملک میں  مزید21 اموات ، ایک ہزار سے زائد متاثر 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  گزشتہ چوبیس گھنٹے  میں  کورونا کے 1021 نئے کیسز سامنے  آئے  اور 21اموات کی تصدیق ہوئی۔ملک میں  اموات کی مجموعی تعداد28ہزار173ہوگئی ہے،جبکہ متاثرہ افراد کی مجموعی تعداد 12لاکھ 60ہزار669تک پہنچ گئی ہے۔  این سی اوسی کے مطابق ملک میں کورونا کے فعال کیسز کی تعداد41ہزار 071ہوگئی  ۔ 

ٹوبہ ٹیک سنگھ : بس کی رکشے  کو ٹکر، رکشہ ڈرائیور سمیت 4طلبہ جاں بحق  

پنجاب

پنجاب میں کورونا مریضوں کی تعداد 4لاکھ 36ہزار 720 ہوگئی ۔ جبکہ صوبے میں اب تک 12ہزار 800 افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ 63ہزار703 ہو گئی جبکہ صوبے میں اب تک 7 ہزار 505افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 76ہزار194 ہوچکی ہے ۔ صوبے میں 5657افراد چل بسے۔

بلوچستان

بلوچستان میں کورونا وائرس کے اب تک 33ہزار092 کیسز رپورٹ ہوئے ہیں جبکہ صوبے میں 350مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 6 ہزار 241جبکہ اموات کی تعداد935 تک جاپہنچی ۔

گلگت بلتستان

گلگت بلتستان میں اب تک 10ہزار 359 افراد کورونا کا شکار ہوئے ہیں جبکہ186افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد34ہزار360 ہوچکی ہے جبکہ 740 افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں  میں  1683افرادکوروناسےصحت یاب ہوچکے، ملک بھر میں اب  تک11لاکھ91 ہزار425 مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔