بابو سر ناران شاہراہ شام چار سے صبح نوبجے تک ٹریفک کے لیے بند

اسلام آباد: بابو سر ناران شاہراہ پر شام چار بجے سے صبح 9 بجے کے درمیان ٹریفک پر پابندی لگادی گئی ہے ۔ 

مقامی حکام کا کہنا ہے کہ پابندی برفباری کے دوران خطرات کے پیش نظر لگائی گئی ہے ۔ 

خیال رہے کہ بابوسر اور ناران کاغان سمیت ملک کے بالائی حصوں میں گزشتہ تین روز سے وقفے وقفے سے برفباری کا سلسلہ جاری ہے ۔ 

برفباری کے باعث مختلف مقامات پر سڑکوں پر ٹریفک کی آمدو رفت معطل ہوگئی ہے ۔