انٹربینک میں ڈالرکی قیمت میں 9پیسے کا اضافہ

اسٹیٹ بینک آف پاکستان کے مطابق9پیسے بڑھ کر ڈالر 171.04 سے 171.13پر بند ہوا ہے،جبکہ  اوپن مارکیٹ میں ڈالر کی قیمت میں 30پیسے کا اضافہ ہوا ہے، ایکسچینج کمپنیز ایسوسی ایشن کے مطابق 30 پیسے کے اضافے سے 171.60 سے 171.90پر پہنچ گیا ہے۔ 

اسٹاک ایکسچینج: 

دوسری جانب پاکستان اسٹاک ایکسچینج کاروبار کا اختتام ہوگیا،  اسٹاک مارکیٹ میں تیزی کے بعد مندی پر کاروبار کا اختتام ہوا،  100 انڈیکس میں 661 پوائنٹس کی کمی پر کاروبار کا اختتام ہوا،   100 انڈیکس 43 ہزار 221 پوائنٹس کی سطح پر بند ہوا۔

آج 9 ارب 18 کروڑ مالیت کے 15 کروڑ سے زائد شیئرز کا کاروبار ہوا،  مندی کے باعث 278 کمپنیوں کے شیئرز کی قیمتوں میں کمی ہوئی ہے۔

سونے کی قیمت: 

سونے کی قیمت میں 700روپے کا اضافہ ہوا ہے،  700روپے کے اضافے سے فی تولہ سونا1 لاکھ 16ہزار 700روپے پر پہنچ گیا،  10گرام سونے کی قیمت600 روپے کے اضافے سے 1لاکھ 51روپے ہوگئی  جبکہ  عالمی مارکیٹ میں 8ڈالر کے اضافے سے فی اونس سونا1771 ڈالر پر پہنچ گیا۔