کرکٹ ویسٹ انڈیز نے ویمن کرکٹ ٹیم کے دورہ پاکستان کی تصدیق کر دی ،ذرائع

ذرائع کے مطابق  ویسٹ انڈیز ویمن کرکٹ ٹیم کے دورہ پاکستان میں مثبت پیش رفت  ہوئی ہے، کرکٹ ویسٹ انڈیز نے ویمن کرکٹ ٹیم کے دورہ پاکستان کی تصدیق کر دی ،  پاکستان اور ویسٹ انڈیز کے بورڈز کے درمیان شیڈول کے حوالے سے حتمی بات چیت جاری ہے۔

 ذرائع کا کہنا ہے کہ   تین ون ڈے میچز کی سیریز کراچی میں ہو گی ،   تین ون ڈے میچز کی سیریز 8، 11 اور 13نومبر کو کرانے کی تجویز دی گئی ہے۔

ذرائع کے مطابق ویسٹ انڈیز ویمن ٹیم  نومبر کے شروع میں کراچی پہنچ کر تین روز کا قرنطینہ مکمل کرے گی، پاکستان ویمن ٹیم کا ٹریننگ کیمپ 22 اکتوبر سے کراچی  میں شروع ہونے کا امکان ہے،  پاکستان کرکٹ بورڈ مینز کرکٹ ٹیم کے دورہ پاکستان کے لئے  بھی پر امیدہیں ۔