پی ایچ ڈی کے انٹری ٹیسٹ میں تمام  طلبہ فیل 

مقامی میڈیا کے مطابق 10اکتوبر کو پنجاب یونیورسٹی امتحانی مرکز میں پی ایچ ڈی میں داخلے کیلئے انٹری ٹیسٹ کا انعقاد کیا گیا ، تاہم  انسٹی ٹیوٹ آف کمیونیکشن سٹیڈیز پنجاب یونیورسٹی کے تمام طلبہ  ٹیسٹ پاس کرنے میں ناکام رہے ،  طلبہ نے انٹری ٹیسٹ کو مشکوک قرار دیتے ہوئے الزام عائد کیا  ہے کہ اس سال داخل نہ کرنے کے پلان کے باعث آؤٹ آف سلیبس سوالات دئیے گئے۔  انٹری ٹیسٹ دینے والے 132امیدواروں میں سے  ایک بھی 70 نمبر حاصل نہ کر سکا ۔ ٹیسٹ میں مختلف اداروں کے درجنوں فیکلٹی ممبران بھی ٹیسٹ میں فیل ہوئے۔

اس حوالے سے  طلبہ کا کہنا ہے  کہ انٹری ٹیسٹ این ٹی ایس کے نام لیکر خود ڈیپارٹمنٹ نے لے لیا۔ انٹری ٹیسٹ سے تین روز قبل سلیبس تبدیل کر دیا گیا اور یہ  پی ایچ ڈی کا انٹری ٹیسٹ بیلنس نہیں تھا۔ ڈین فیکلٹی آف کمیونیکشن سٹیڈیز  کا اس حوالے سے  کہنا ہے کہ سلیبس تبدیل کرتے ہوئے انگریزی کو بعد میں شامل کیا گیا۔ این ٹی ایس سے ٹرم اینڈ کنڈیشن پر اختلاف پیدا ہو گیا تھا۔ طلبہ کو فیل ہونے کے بعد کیوں یاد آیا ٹیسٹ آؤٹ آف سلیبس ہے۔