یہ حکومت پاکستان کو تباہی کے دھانے پر لاچکی ہے:شہباز شریف

اسپیکر اسد قیصر کی زیر صدارت قومی اسمبلی کے اجلاس کے دوران اپوزیشن لیڈرشہباز شریف کا تقریر کرتے ہوئے کہنا تھا کہ نوزائیدہ کے منہ سے دودھ بھی چھینا جا چکا ہے، مہنگائی ملک میں فاقہ کشی اور خودکشی کا باعث بن رہی ہے۔

ان کا کہنا تھا کہ کہ 2018 میں چینی 98 روپے فی کلو تھی اب وہ 120 روپے فی کلو میں بھی دستیاب نہیں ہے، جو غریب آٹا، ٹماٹر اور پیاز سے گزارا کرتا ہے، موجودہ حکومت نے وہ بھی اس سے چھین لیا۔

اپوزیشن لیڈرقومی اسمبلی کا کہنا تھا کہ حکومت نے 15 ہزار ارب روپے کے قرض تو وصول کرلیے لیکن کہیں ایک اینٹ نظر نہیں آتی، اگر یہ پیسہ پاکستان کے عوام کو تقسیم کیا جاتا فی کس ساڑھے تین لاکھ روپے ان کے حصے میں آتا۔

ان کا کہنا تھا کہ مہنگی ایل این جی خریدنے سے متعلق کہنا تھا کہ ملک کو مہنگی ایل این جی سے جتنی تباہی کا سامنا ہوا ہے کوئی اس کا اندازہ نہیں لگا سکتا۔

شہباز شریف نے کا کہنا تھا کہ حکومت نے جدید ترین بجلی کے پلانٹس بند کردیے اور مہنگے ترین فرنس آئل سے بجلی بنائی اور مہنگے داموں یونٹ ہورہے ہیں، مہنگائی توڑ کمر کے خلاف کمر باندھ لی ہے۔

ان کا مزید کہنا تھا کہ حکومت کی جانب سے پیش کردہ بجٹ فراڈ پر مبنی تھا، حکومت نے بجٹ ٹیکس فری قرار دیا تھا لیکن وقت نے ثابت کردیا کہ وہ جھوٹ کا پلندہ ہے جس کے باعث عوام کے لیے جینا مشکل ہوگیا ہے۔