'مصنوعی مہنگائی کرنے والوں کے خلاف سخت اقدامات کیے جائیں'

تفصیلات کے مطابق  وزیراعظم عمران خان کی زیر صدارت مہنگائی اور معاشی صورتحال پر اجلاس ہوا ، ذرائع کا کہنا ہے کہ  وزیراعظم کو ملک میں مہنگائی کی صورتحال پر بریفنگ دی گئی،  اجلاس میں پٹرولیم مصنوعات کی قیمتوں میں اضافے کے اثرات پر گفتگو کی گئی۔

 ذرائع کے مطابق  اجلاس میں اشیائے خوردونوش کی قیمتوں پر ٹیکسز کم کرنے کا فیصلہ کیا گیا ہے، وزیراعظم  عمران خان نے  وفاقی وزرا کو پرائس کنٹرول کمیٹیوں پر عملدرآمد کے لیے اقدامات کی ہدایت کی ہے، وزراء اپنے حلقوں میں مصنوعی مہنگائی پر نظر رکھیں۔

ذرائع کا کہنا ہے کہ  مصنوعی مہنگائی کرنے والوں کے خلاف سخت اقدامات کیے جائیں، ذخیرہ اندوزوں کے خلاف بھی سخت ایکشن لیے جائیں۔