کورونا وائرس  کی پانچویں لہر سے بچنا ہے تو ویکسین لگوائیں : اسد عمر 

تفصیلات کے مطابق وفاقی وزیر برائے منصوبہ بندی اور نیشنل اینڈ کمانڈ آپریشن سنٹر کے سربراہ اسد عمر نے  سماجی رابطے کی ویب سائٹ ٹوئٹر پر پیغام میں  کہا   کہ  کورونا وبا کی پانچویں لہر سے بچنے کے لیے ضروری ہے کہ ویکسینیشن کے اہداف کامیابی سے حاصل کیے جائیں۔

اسد عمر نے خبردار کرتے ہوئے کہا کہ اگر زیادہ تعداد میں لوگوں نے ویکسین نہ لگوائی تو کورونا وائرس دوبارہ سر اٹھا سکتا ہے۔ لوگوں کی بڑی تعداد غیر ویکسین شدہ رہی تو کورونا کا خطرہ  باقی رہےگا، کورونا سے بچاؤ کیلئے ویکسین کی دوسری خوراک لازمی ہے۔

To ensure there is no 5th wave of covid we have to meet vaccination targets set. Otherwise despite sharp decline in cases we remain vulnerable, if large number of people remain unvaccinated. Remember that 2nd dose is vital for protection against covid. Get fully vaccinated

— Asad Umar (@Asad_Umar) October 21, 2021

وفاقی وزیر نے مرحلہ وار ٹوئیٹس میں  کورونا اور ملک بھر میں ویکسی نیشن کے عمل کے حوالے سے بتاتے ہوئے کہا کہ کراچی سمیت 6 بڑے شہروں کو ویکسی نیشن کے عمل میں بہتری لانے کی ضرورت ہے ۔ 

اسلام آباد، پشاور، گلگت، میرپور میں ویکسینیشن کا عمل بہترین ہے جبکہ اسکردو ، چارسدہ ، سرگودھا میں ویکسینیشن مہم اچھی رہی ہے ۔ انہوں نے کہا کہ حیدرآباد ، نوشہرہ ، فیصل آباد ، کوئٹہ ، کراچی ، مینگورہ ، مردان میں ویکسینیشن کے عمل کو بہتر بنانے کی ضرورت ہے۔

Best vaccination progress : islamabad, peshawar, gilgit, mirpur. Good progress: skardu, charsadda, sargodha. Needing improvement : Hyderabad, nowshera, Faisalabad, quetta, karachi, mingora, mardan. District admin & health teams in these cities need to improve performance

— Asad Umar (@Asad_Umar) October 21, 2021

واضح رہے کہ ملک بھر میں کورونا کیسز اور اموات کی شرح میں کمی  دیکھنے میں آئی ہے ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں کورونا وائرس کی  چوتھی  لہر کے دوران  گزشتہ چوبیس گھنٹے  میں  کورونا کے 622 نئے کیسز سامنے  آئے  ہیں اور 16افراد جان کی بازی ہار گئے ۔

ملک میں متاثرہ افراد کی مجموعی تعداد 12لاکھ 26ہزار826 تک پہنچ گئی ہے۔  پاکستان میں 95.8 فیصد مریض وائرس سے شفایاب ہوچکے ہیں جن کی تعداد 12 لاکھ 13 ہزار 799 ہے۔