نارکوٹکس کنڑول بیورو کا شاہ رخ خان کے گھر پر چھاپہ

ممبئی : بھارتی نارکوٹکس کنٹرول بیورو( این سی بی ) نے شاہ رخ خان کےگھر چھاپہ مارا ہے ۔

بھارتی میڈیا رپورٹس کے مطابق شاہ رخ خان نے آج صبح منشیات کیس میں گرفتار اپنے بیٹے آریان خان ممبئی کی سینٹرل جیل میں ملاقات کی ۔ 

اس ملاقات کے بعد این سی بی کی جانب سے منشیات کیس کے سلسلے میں شاہ رخ کی رہائش گاہ منت پر چھاپہ مارا گیا ۔ 

دوسری جانب بھارتی میڈیا کی جانب سے ابھی تک اس چھاپے کی مزید تفصیلات جاری نہیں کی گئی ہیں کہ آیا چھاپے کے دوران اداکار کے گھر سے منشیات برآمد ہوئی بھی ہیں یا نہیں۔

یاد رہے کہ آریان خان کی ضمانت کی درخواست پر ممبئی ہائی کورٹ میں 26 اکتوبر بروز منگل کو سماعت ہوگی۔