لاہور : گھر میں آتشزدگی سے 2 افراد جاں بحق

جی این این کے مطابق افسوس ناک حادثہ  لاہور کے علاقے آفیسر کالونی گلی نمبر 3 والٹن روڈ   پر پیش آیا ۔حادثے کی اطلاع ملتے ہی ریسکیو اورپولیس موقع پر پہنچ گئیں ۔

پولیس حکام کے مطابق  گھر میں الیکٹرک ویل چیئر اوورچارجنگ کی وجہ سے بیٹری بلاسٹ ہونے کی وجہ سے آگ  بھڑک اُٹھی جس  پر قابو پالیا گیاہے ۔ آتشزدگی کی وجہ سے دو افراد جاں بحق  جبکہ تین زخمی ہوگئے ۔

ریسکیو ٹیموں نے آگ پر قابو پانے کے بعد زخمیوں کو طبی امداد کے لئے ہسپتال میں منتقل کردیا۔ 

جھلس کر دم توڑنے والوں میں40 سالہ معذور  ثناء ایوب اور اویس محمد ایوب جبکہ زخمیوں میں  ادریس، مدثر  مزمل شامل ہیں ۔ 

پولیس نے آتشزدگی کی وجہ سے ہلاک ہونے والوں کی لاشیں ضروری کارروائی کے بعد ورثاءکے حوالے کردیا۔