لاہور  کے مختلف علاقوں میں انٹرنیٹ سروس بحال

تفصیلات کے مطابق شہر کے مختلف علاقوں میں امن و امان کی صورتحال کے پیش نظر انٹرنیٹ سروس دو روز سے  معطل تھی ۔ گارڈن، ماڈل ٹاؤن، ریواز گارڈن ، کرشن نگر، انار کلی، ہائیکورٹ، مسلم ٹاؤن  میں سروس بحال ہونا شرو ع ہوگئی ہے ۔

اس سے قبل  وزارت داخلہ کی جانب سے جاری  بیان میں پی ٹی اے کو لاہور کے علاقے سمن آباد، شیرا کوٹ اور نواں کوٹ ، گلشن راوی، سبزہ زار اور اقبال ٹاؤن میں بھی فوری طور پر انٹرنیٹ سروس بند کرنے کی ہدایت کی گئی  تھی ۔ 

خیال رہے  کہ  ملک کے بیشتر شہروں میں مذہبی جماعت کا احتجاج جاری ہے ۔احتجاجی مظاہروں میں  پولیس اورکارکنوں میں تصادم سے 2اہلکارشہید جبکہ 6 زخمی ہوئے جبکہ بابو صابو ، فیض پور انٹر چینج بند،میٹرو بس سروس بھی  معطل رہی ۔