چائے کی دعوت بالکل برقرار ہے، ترجمان پاک فوج

ڈی جی آئی ایس پی آر میجر جنرل بابر افتخار نے  نجی ٹی وی کو انٹرویو دیتے ہوئے کہا  کہ  انگلیاں ‏اٹھانےوالوں کو حکومت اچھےسےجواب دےرہی ہے جہاں جواب کی ضرورت ہوتی ہےوہاں جواب ‏دیتےہیں، الزامات کاکوئی وجود ہی نہیں توان کاجواب دینےکافائدہ نہیں۔انہوں نے کہا کہ   پاکستان  کے عوام اور میڈیا افواج اور اداروں سےمحبت کرتے ہیں، چائےکی دعوت بالکل برقرار ہے۔

ڈی جی آئی ایس پی آر میجر جنرل بابر افتخار کا کہنا ہے کہ   جیسے بھی حالات ہوں ڈی جی ایم اوز کا ہاٹ لائن پر رابطہ رہتا ہے،کسی پریشر کے تحت ہاٹ لائن پر رابطہ نہیں ہوا یہ ایک ٹیکٹیکل لیول کا رابطہ ہے،ہاٹ لائن پر ملٹری ٹو ملٹری رابطہ ہوتا ہے،کوئی ایمرجنسی حالات نہیں تھے جس پر رابطہ ہوا۔

ترجمان پاک فوج  بابر افتخار  نے کہا  سیز فائر معاہدہ 2003 میں ہوا تھا،2013تک سیز فائر معاہدہ بہترین تھا،2013کے بعد سیز فائر معاہدے کی خلاف ورزیوں میں اضافہ ہوا،ہر مہینے میں ایک بار ڈی جی ایم اوز کا رابطہ ہوتا ہے،دونوں جانب سے سیز فائر معاہدے کو دوبارہ بحال کرنے پر زور دیا گیا، سیز فائر کی خلاف ورزی سے سب سے زیادہ سویلین آبادی کا نقصان ہوتا تھا۔

آئی ایس پی آر کا کہنا ہے کہ  آپریشن رد الفسادآرمی چیف  جنرل قمرجاوید باجوہ کے حکم پر شروع کیا گیا تھا،آپریشن ردالفساد سے پاکستان میں دہشت گردی میں کمی آئی ہے۔