قومی کرکٹ ٹیم کیلئے مستقل ہیڈ کوچ غیرملکی   کوبنانے کا فیصلہ : ذرائع 

جی این این کے مطابق ذرائع کاکہنا ہے کہ چئیرمین پی سی بی رمیز راجا غیر ملکی کوچ کی تلاش کے معاملے کو خود دیکھ رہے ہیں ۔­­­ساؤتھ افریقہ کے سابق ٹیسٹ کرکٹر گیری کرسٹن ہیڈ کوچ کے لیے مضبوط امیدوار ہیں جبکہ سابق آسٹریلوی بیٹسمین سائمن کیٹچ کا نام بھی زیر غور ہے ۔ 

ذرائع کے مطابق انگلینڈ کے سابق کوچ پیٹر موریس میں بھی دلچسپی ظاہر کی گئی ہے، ان کا انگلش کاونٹی کے ساتھ تین سال کا معاہدہ ہو چکا ہے۔ پیٹر موریس کا پی ایس ایل فرنچائز کے ساتھ معاہدے کا امکان ہے۔  

واضح رہے کہ  ٹی ٹونٹی ورلڈ کپ کے لئے ثقلین مشتاق کو عبوری ہیڈ کوچ مقرر کیا گیا ہے جبکہ ورلڈ کپ کے لئیے میتھیو ہیڈن بیٹنگ کنسلٹنٹ اور ورنن فلینڈر کو بولنگ کنسلٹنٹ  مقرر کیا گیاہے ۔ 

خیال رہے کہ6ستمبر 2021 کو پآکستان کرکٹ ٹیم کے ہیڈ کوچ مصباح الحق اور بولنگ کوچ وقار یونس اپنے عہدوں سے مستعفی ہو گئے تھے ۔