کالعدم جماعت کا معاملہ ،وزیر اعظم نے قومی سلامتی کمیٹی کا اجلاس کل طلب کرلیا

سماجی رابطے کی وئب سائٹ ٹوئٹر پر ایک ٹویٹ میں وفاقی وزیر اطلاعات فواد چوہدری نے لکھا کہ  کالعدم جماعت کی غیر قانونی سرگرمیوں سے پیدا ہونیوالی صورتحال کے پیش نظر وزیر اعظم عمران خان نے کل قومی سلامتی کمیٹی کا اجلاس طلب کیا ہے، اس اجلاس میں قومی سلامتی سے متعلق دیگر امور بھی زیر غور آئیں گے۔

کالعدم جماعت کی غیر قانونی سرگرمیوں سے پیدا ہونیوالی صورتحال کے پیش نظر وزیر اعظم عمران خان نے کل قومی سلامتی کمیٹی کا اجلاس طلب کیا ہے، اس اجلاس میں قومی سلامتی سے متعلق دیگر امور بھی زیر غور آئیں گے۔

— Ch Fawad Hussain (@fawadchaudhry) October 28, 2021

دوسری جانب حکومت اور کالعدم تحریک لبیک پاکستان کے درمیان ہونے والے مذاکرات بے نتیجہ ختم ہو گئے ،  تحریک لبیک پاکستان کے کارکنان کو وزیر آباد کے قریب روکنے کی ہدایات جاری  کردی گئیں ، وزیر آباد کے قریب سیکورٹی اداروں کو الرٹ رہنے کی ہدایات بھی جاری کر دی گئی ہے۔

مذاکراتی کمیٹی میں شیخ رشید احمد اور پیر نورالحق قادری بھی شریک تھے ،  کالعدم ٹی ایل پی کے سربراہ سعد رضوی کو مذاکرات کے لیے لاہور سے اسلام آباد منتقل کیا گیا تھا ۔حکومت کا کہنا ہے کہ  کالعدم تحریک لبیک پاکستان کے کارکنان واپس جائیں پھر بات سنی جائے گی۔