شعیب اختر سے بدتمیزی، وزیر اعظم کی سخت کارروائی کی ہدایت

تفصیلات کے مطابق  شعیب اختر سے ڈاکٹر نعمان کی بدتمیزی پر وزیراعظم عمران خان برہم ہوگئے، وزیراعظم عمران خان نے وزارت اطلاعات سے معاملے پر رپورٹ مانگ لی ہے۔

ذرائع کے مطابق وزیر اعظم عمران خان نے کہا ہے کہ  قومی ہیرو کے ساتھ کی گئی تذلیل ناقابل برداشت ہے۔وزارت اطلاعات کو ذمہ داران کے خلاف سخت کارروائی کی ہدایت کردی۔

ذرائع کا کہنا ہے کہ  سرکاری ٹی وی کے پروگرام میں میزبان نعمان نیاز اور شعیب اختر میں تلخ کلامی  کے معاملے پر انکوائری کمیٹی کی سفارش پر ڈاکٹر نعمان نیاز کو آف ایئر کردیا گیا،  ایم ڈی پی ٹی وی  نے ڈاکٹر نعمان نیاز کو سپورٹس پروگرام میں متبادل اینکر لانے کی ہدایت کی،  ڈاکٹر نعمان نیاز نے اپنی جگہ  متبادل اینکر پرسن لانے کی سے معذرت کرلی۔