لاہور میں تیسرے انٹرنیشنل پی اے سی سی ایس مقابلوں کا انعقاد، آئی ایس پی آر

پاک فوج کے شعبہ تعلقات عامہ (آئی ایس پی آر)کی جانب سے جاری کردہ بیان کے مطابق  کھیلوں کی  رنگارنگ تقریب فورٹریس اسٹیڈیم لاہور میں منعقد ہوئی، پی اے سی سی ایس شرکا کی جسمانی قوت اور برداشت کا حقیقی امتحان ہے۔

آئی ایس پی آر کے مطابق مقابلوں میں مختلف ممالک کے 101کھلاڑی حصہ لے رہے ہیں،  عراق، اردن،فلسطین، سری لنکا،یو اے ای اورازبکستان کی ٹیمیں شامل ہیں،  مصر ،انڈونشیا،جاپان اورمیانمار بطور مبصر شریک ہیں، افتتاحی تقریب میں ہرشعبے ہائے زندگی سے شائقین  نے  شرکت کی۔

ترجمان پاک فوج کا کہنا ہے کہ  ان مقابلوں سے   سپورٹس فرنڈلی  ، امن دوست اور پرجوش  پاکستانی قوم  کی عکاسی ہوتی ہے،  آئی جی ٹریننگ لیفٹیننٹ جنرل محمد عدنان مہمان خصوصی تھے۔

 آئی ایس پی آر کے مطابق  پاکستان آرمی نے ساتویں قومی ائیر گن شوٹنگ چیمپئن شپ جیت لی،  پاکستان آرمی کی ٹیم نے 8 میں سے 6 گولڈ میڈلز جیتے،  باقی دو گولڈ میڈل پاکستان نیوی کی ٹیم نے حاصل کئے ،  پاک آرمی ٹیم نے مجموعی طور پر سونے کے 6, چاندی کے 2 اور کانسی کا 1 تمغہ حاصل کیا۔