ٹی ٹوئنٹی ورلڈ کپ: نیوزی لینڈ   نمیبیا کو شکست دے کر پوائنٹس ٹیبل پر دوسری پوزیشن پر آگیا

شارجہ میں کھیلے جانے والے میچ میں  نیوزی لینڈ نے نمیبیا کو  52  رنز سے ہرا دیا ہے،  نمیبیا کی ٹیم 164 رنز کے تعاقب میں  7 وکٹوں پر 111 ر نز بنا پائی ۔

نیوزی لینڈ نے پہلے کھیلتے ہوئے  163 رنز بنائے تھے،  نیوزی لینڈ کی جانب سے مارٹن گپٹل 18،  ڈیرل مچل 19، کپتان کین ویلم سن نے  28رنز بنائے۔،جمی نیشم 35،  گلین فلپس 39 رنز بنا کر نا قابل شکست رہے۔دونوں نے   آخری6 اوورز میں جارحانہ بیٹنگ کرکے اسکور چار وکٹوں کے نقصان پر 163 تک پہنچا دیا۔

نمیبیا  کی جانب سے  مائیکل وین 25 اور زین گرین 23 رنز بناکر نمایاں رہے۔ ٹم ساؤتھی اور ٹرینٹ بولٹ نے 2،2 وکٹیں حاصل کیں جبکہ مچل سینٹنر، جمی نیشم اور ایش سوڈھی کے حصے میں ایک ،ایک وکٹ آئی۔نیوزی لینڈ نے گروپ 2 کے پوائنٹس ٹیبل پر دوسری پوزیشن حاصل کر لی۔

خیال رہے کہ  شارجہ میں کھیلے گئے میچ میں نمیبیا کے کپتان نے ٹاس جیت کر نیوزی لینڈ کو پہلے بیٹنگ کی دعوت دی۔