ٹی ٹوئنٹی ورلڈ کپ : بھارت نے سکاٹ لینڈ کو 8  وکٹوں سے ہرا دیا

آئی سی سی مینز ٹی ٹوئنٹی ورلڈ کپ کے سپر 12 مرحلے میں  بھارت نے 86 رنز کا ٹارگٹ 6 اعشاریہ 3 اوورز میں پورا کر لیا۔

بھارت کی جانب سے  روہیت شرما 30 رنز اور لوکیش راہول 50 رنز بنا کر نمایاں رہے۔ بڑے مارجن سے جیت کے بعد بھارت نے افغانستان سے تیسری پوزیشن چھین لی۔بھارت نے  گروپ 2 میں اپنا رن ریٹ افغانستان اور نیوزی لینڈ سے بہتر کرلیا۔

اس سے قبل سکاٹ لینڈ نے پہلے کھیلتے ہوئے 85 رنز بنائے تھے۔  سکاٹ لینڈ کی جانب سے  جارج منسے 24 رنز بنا کر نمایاں رہے، کیلم مکلوئڈ 16  مائیکل لیسک 21 رنز بنا کر آؤٹ ہوئے۔مارک واٹ کو 14 ، کائل کوئٹزر ایک رن بنا کر پویلین لوٹ گئے، میتھیو کروس کو 2 رنز بنا سکے۔

بھارت کی جانب سے محمد شامی اور رویندر جڈیجا نے تین، تین وکٹیں حاصل کیں، بمرا  نے دو اور ایشون نے ایک کھلاڑی کو پویلین کی راہ دکھائی۔