عمران خان کا یوم حساب قریب ہے،حمزہ شہباز

مسلم لیگ ن کی رہنما  و اپوزیشن لیڈر حمزہ شہباز  نے کارکنوں سے خطاب کرتے ہوئے کہا کہ  رہائی پر اللہ تعالیٰ کا شکر گزار ہوں، شریف فیملی نےعمران نیازی کی انتقامی کارروائی کا سامنا کیا ، آج پوری قوم نےاس احتساب کےتماشےکا منطقی انجام دیکھ لیا۔

لیگی رہنما حمزہ شہباز نے کہا کہ  نوازشریف کےسپاہیوں کےخلاف ایک روپے کی کرپشن ثابت نہ ہوسکی، بدترین انتقام کےباوجودنواز شریف،شہبازشریف کیخلاف کوئی الزام ثابت نہیں ہوا۔ نوازشریف، حمزہ شہباز، شاہد خاقان عباسی، حنیف عباسی، رانا ثنااللہ خان کو پابند سلاسل کیا،  رانا ثناء اللہ کے خلاف کچھ نہ ملا تو منشیات کا کیس بنادیا۔

مسلم لیگ ن کے رہنما حمزہ شہباز نے کہا کہ  براڈ شیٹ کا معاملہ ہو کاغذ ٹاک شوز میں قوم سے جھوٹ بولتے ہیں،  براڈ شیٹ کیس میں خفیہ ملاقاتیں کرتے ہیں برطانوی بینکوں میں فیس جمع کروانی ہے ، ڈیوڈ روز کا کاغذ لہرایا گیا شہبازشریف پکڑا گیا،  برطانوی جج کے سامنے ڈیوڈ روز نے کہاکہ کہانی من گھڑت ہے شہباز شریف پر منی لانڈرنگ کاالزام لگایاہے۔

حمزہ شہباز نے کارکنوں سے خطاب کرتے ہوئے  کہا کہ   آج ملک میں جعلی حکومت ہے، اس جعلی حکومت کوبنےہوئےتین سال ہوگئے ہیں،آٹا، چینی چور آج بھی کابینہ کا حصہ ہیں، عمران خان آٹا، چینی، ادویات چوروں کو ساتھ بیٹھا کر ریاست مدینہ کی بات کرتا ہے۔

اپوزیشن لیڈر پنجاب اسمبلی حمزہ شہباز نے کہا کہ  عمران خان کا یوم حساب قریب ہے، حکمرانوں کوہمارےخلاف کچھ نہیں ملتاتو منہگائی کرکےغصہ عوام پراتارتےہیں، ان کےانتقام کی آگ ٹھنڈےہونےکانام نہیں لےرہی ہے۔