ویرات کوہلی نے بھارت کے اگلے کپتان کاعندیہ دے دیا

آئی سی سی ٹی ٹوئنٹی ورلڈکپ میں گزشتہ روز نیوزی لینڈ نے افغانستان کو شکست دے کر ایونٹ سے باہر کردیا تھا اور آج بھارت سپر12 مرحلے میں اپنا آخری میچ نمیبیا کے خلاف کھیل رہا ہے جو بھارتی کپتان ویرات کوہلی کے لیے بطور کپتان آخری میچ بھی ہے۔

ٹاس جیتنے کے بعد جب ویرات کوہلی سے ان کی کپتانی سے متعلق سوال پوچھا گیا تو انہوں نے کہا کہ بھارتی ٹیم کی کپتانی کرنا میرے لیے اعزاز کی بات تھی اور میں خوش قسمت ہوں کہ مجھے یہ موقع دیا گیا جس سے میں نے بھرپور انصاف کرنے کی کوشش کی تاہم اب یہ ذمہ داری کسی اور کو دینے کا وقت آگیا ہے۔

ویرات کوہلی نے کہا کہ اب وقت آگیا ہے کہ میں مختصر فارمیٹ میں اپنی ٹیم کی کارکردگی پر فخر ہے، اب وقت آگیا ہے کہ نئے آنے والے اس ٹیم کو لے کر آگے بڑھیں اور ویسے بھی روہت شرما یہاں موجود ہیں جو تمام چیزوں کو دیکھ رہا ہے۔

واضح رہے ویرات کوہلی نے ٹی ٹوئنٹی ورلڈکپ کے آغاز سے قبل ہی مختصر فارمیٹ کی کپتانی چھوڑنے کا اعلان کردیا تھا۔