آرمی چیف جنرل قمر جاوید باجوہ کا ہیوی انڈسٹریز ٹیکسلا کا دورہ،آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ  بیان کے مطابق آرمی چیف جنرل قمر جاوید باجوہ نے ہیوی انڈسٹریز ٹیکسلا کا دورہ کیا، آرمی چیف جنرل قمر جاوید باجوہ کوجاری منصوبوں کے بارے میں بریفنگ دی گئی۔

آئی ایس پی آر کے مطابق آرمی چیف نےہیوی انڈسٹری ٹیکسلا میں مختلف تنصیبات کادورہ کیا۔ آرمی چیف کو ٹینکوں کے ریموٹ ویپن سسٹم  اور آرٹلری گن بیرلزپر بریفنگ دی گئی،  آرمی چیف کو مختلف یونٹس کی ماڈرنائزیشن کے بارےمیں بھی آگاہ کیا گیا۔ 

آرمی چیف جنرل قمر جاوید باجوہ نے کہا کہ ہمیں سنگ میل عبور کرنے پرفخر ہے۔ افسران،ورکرز جدید دفاعی پیدواری صنعت کے لیے کوشاں ہیں۔