صحافی جمال خاشوگی قتل پر امریکی رپورٹ ، ترجمان دفتر خارجہ کا بیان سامنے آگیا

تفصیلات کے مطابق ترجمان دفتر خارجہ  نے امریکا کی جمال خاشوگی قتل پر انٹیلی جینس جائزہ رپورٹ دیکھی ہے،ترجمان دفتر خارجہ  زاہد حفیظ چوہدری کا کہنا ہے کہ سعودیہ نے بھی جمال خاشوگی قتل کو "مکروہ جرم"، مملکت کے قوانین، اقدار کی خلاف ورزی" قرار دیا ہے۔ سعودی حکومت نے کہا  ہےکہ معاملے پر ہر ممکن قانونی اقدامات اٹھائےجبکہ سعودی حکومت نے تمام ملوث افراد سے تفتیش سے سزا تک، عدل کے تقاضے پورے کیےہیں۔

زاہد حفیظ چوہدری نے کہا کہ  پاکستان قانون کی پاسداری اور قومی سالمیت و بقا کا احترام کرتا ہے ۔ پاکستان سعودی کی تمام کاوشیں تسلیم اور مملکت سے اظہار یکجہتی کرتا ہے۔ہر سطح پر قانون کی بالادستی، قومی خودمختاری کا احترام کیا جائے۔ تمام ریاستیں انسانی حقوق کا تحفظ اور پاسداری یقینی بنائیں۔