ڈالر کی قیمت میں اضافہ

انٹربینک میں ڈالر کی قدر میں  آج ایک روپیہ 26 پیسے اضافہ ہوا ہے، 4 روز کے دوران ڈالر چار روپے18 پیسے مہنگا ہو کر  174 روپے 19 پیسےکا ہوگیا ہے،  رواں ہفتے کاروبار کی بندش پر  یہ ڈالر کی بلند ترین قدر ہے۔

اوپن مارکیٹ میں بھی ڈالر کی اونچی پرواز جاری ہے اور ڈالر  ایک روپیہ 20 پیسے مہنگا ہو کر 176 روپے 50 پیسےکا ہوگیا ہے۔

Interbank closing #ExchangeRate for today:https://t.co/iPNP2MDo9W pic.twitter.com/MV4l35JcLd

— SBP (@StateBank_Pak) November 11, 2021

دوسری جانب سندھ صرافہ بازار جیولرز ایسوسی ایشن کے مطابق 3 ہزار 300 روپے اضافے کے بعد ملک میں ایک تولہ سونے کی قیمت ایک لاکھ 29 ہزار 100 ہوگئی ہے۔

صرافہ ایسوسی ایشن کے مطابق 10 گرام سونے کے دام 2 ہزار 829 روپے اضافے سے ایک لاکھ 10 ہزار 682 روپے ہے۔

ایسوسی ایشن کے مطابق عالمی صرافہ میں سونے کی فی اونس قیمت 38 ڈالر بڑھ کر ایک ہزار 863 ڈالر فی اونس ہے۔