آرمی چیف سے امریکی نمائندہ خصوصی برائے افغانستان کی ملاقات، افغان صورتحال پر گفتگو

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  آرمی چیف جنرل قمرجاوید باجوہ سے امریکی نمائندہ خصوصی برائے افغانستان تھامس ویسٹ کی ملاقات ہوئی ہے، ملاقات میں باہمی دلچسپی،افغان صورتحال،باہمی تعاون پرگفتگو ہوئی۔

آرمی چیف جنرل قمر جاوید باجوہ نے کہا کہ پاکستان امریکاکےساتھ روایتی رابطوں کےفروغ کاخواہاں ہے،  امریکاکےساتھ دورس کثیرالنوعیت تعلقات چاہتےہیں، افغانستان میں انسانی المیےسےبچنےکیلئےعالمی توجہ کی ضرورت ہے۔

آئی ایس پی آر کا کہنا ہے کہ  ملاقات میں افغانستان کی صورتحال اوربارڈرمینجمنٹ کےاموربھی زیرغورکیاگیا،  امریکی نمائندہ خصوصی نے افغان صورتحال میں پاکستان کے کردار کی تعریف کی، تھامس ویسٹ نے بارڈر مینجمنٹ کے لیے خصوصی کاوشوں، علاقائی استحکام میں پاکستان کے کردار کو سراہا، امریکی نمائندہ خصوصی نے پاکستان کے ساتھ ہر سطح پر سفارتی تعاون کو مزید بہتر بنانے کے لیے کردار ادا کرنے کا عزم کیا۔