آرمی چیف  کا  آرمرڈ کوررجمنٹل سنٹر نوشہرہ کا دورہ ، آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے آرمرڈ کوررجمنٹل سنٹر نوشہرہ کا دورہ کیا، آرمی چیف نے یاد گار شہدا پر پھول چڑھائے اور فاتحہ خوانی کی ،  آرمی چیف نے لیفٹیننٹ ندیم ذکی منج کو آرمرڈ کور کے کرنل کمانڈنٹ کے بیجز لگائے، آرمی چیف نے جنگ میں آرمرڈ کور کے فیصلہ کن کردار کی تعریف کی۔

اس موقع پر آرمی چیف جنرل قمر جاوید باجوہ نے کہا کہ آ رمرڈ کور  کی پیشہ ورانہ مہارتیں اورآپریشنز میں کارکردگی نمایاں ہیں، ہر سطح پر کمانڈرز پیشہ ورانہ تربیت پر خصوصی توجہ دیں، فوج اورخصوصی آرمرڈ کور میں جدید ٹیکنالوجی  کو روشناس  کراتے رہنا چاہتے ہیں،  آرمرڈ کور کیلئے ٹیکنالوجی بارے تازہ ترین پیش رفت سے باخبر رہنا ضروری ہے۔