یوم یکجہتی کشمیر،وزیراعظم کوٹلی آزادکشمیر کا دورہ کریں گے

تفصیلات کے مطابق 5 فروری یوم یکجہتی کشمیر کے موقع پر وزیراعظم عمران خان دورہ کوٹلی آزادکشمیر کے دوران کوٹلی لائن آف کنٹرول بھی جائیں گے اور کوٹلی میں جلسہ عام سے خطاب کریں گے۔

دوسری جانب وزیراعظم عمران خان سے سیف اللہ نیازی اور بیرسٹر سلطان محمود نے ملاقات کی جس میں وزیر اعظم نے آزاد کشمیر میں دوسری جماعتوں سے بااصول اور با کردار لوگوں کی پارٹی میں شمولیت کی ہدایت کردی۔

ملاقات میں سیف اللہ خان نیازی نے آزاد کشمیر میں پی ٹی آئی آزاد جموں وکشمیر کی انتخابی مہم اور حکمت عملی پر بریفنگ دی ۔اس موقع پر وزیراعظم عمران خان کا کہنا تھا کہ انتخابی مہم کے سلسلے میں ایک واضح حکمت عملی تیار کریں،چاہتے ہیں مقبوضہ کشمیرمیں ایک اچھا پیغام دیاجاسکے۔

ملاقات میں بیرسٹر سلطان محمود نے پورے آزاد کشمیر کے لوگوں کو قومی ہیلتھ کارڈ کا تحفہ دینے پر خصوصی شکریہ ادا کیا اور کہا کہ یہ ویلفئیر ریاست کی جانب ایک اہم قدم ہے۔